LIBOULI CAUD AVEUC DES PINS ED JOSE AMBRE

16 mars 2011

Voila un dessert du pays chtimi, déchiffez-vous la recette ?

Cha i-est ... v là I' momint du dessert... si qu’ t'as été sach' et que n'in est point privé, ti qu' est eun’ g|uiff à chuqu’, te dos qu'mincher a béffler... j' vos d' ichi t’asif qui guill' tout du long d'tin minton ... ! J' vos qu'mincher par eun' chucart' que m' mémère Augusta all me faijot quand qu' avos point été par trop indign', du libouli caud' aveuc des peumm's ...

Ingrédients : 1 kg d' pins, 4 ués, 150 g d’ chuqu, 125 g d’ fareine, 125 g d’ crim fraich, 1 l d’ bière blonte, vanill.

D’abord, te pleumes les pins, te les copes in quat’, et te les laiches cuir’ tout duchèt'mint, in compote, pindant 10 minutes.
Bon, après ch' là, te casses quat' ués d’glenne dins eun' telle, te touffes aveuc el' chuqu , et t' ajoutes l' fareine tamisée.
Te balles là d'dins el’ crêm’ fraîch’, el bière, et te parfeum's aveuc eun' ziqu ed' vanill'.
Te laiches cha querre 2 mn, el timps d' prinde un plat au four, equ' te vas graicher au burre, sins raviser à n' in mett' eun' pallée, pass'qu i faut point qu cha attaqu’ dins l’fond.
Te saupoud's aveuc un monet d' fareine, te verses el mitan de t' pâte, te mets les peum’s equ t' as préparées d’ t' à l'heur, et t' arcoeuf aveuc el' ress' de t' pâte.
Te cuis à feu fort douch' ( 5 - 6 ) dins tin four, pindant eun' bonn' demi heur', et te sers cha tout funquant au momint du dessert...
Ch' est simp', ch' est bon, et j'te promets qu cha r'met tin tiot cœur à plache pou’ l' restant du jour !